क्रिष्टियानो रोनाल्डोले खेल जीवनको ७६० औँ गोल गर्दा युभेन्टसले इटालियन सुपर कपको उपाधि जितेको छ ।
बुधबार राति भएको फाइनलमा नापोलीलाई २–० ले पराजित गरेर युभेन्टसले उपाधि जितेको हो ।
रोनाल्डोसहितको युभेन्टसले नवौँ पटक सुपर कपको उपाधि जितेको हो । रोनाल्डोले गोल गरेर टिमलाई सुरुवाति अग्रता दिलाएका थिए । इन्जुरी समयमा अल्भारो मोराताले गोल गरेर युभेन्टसलाई जिताएका हुन् ।
रोनाल्डोले स्पोर्टिङ्ग लिस्बोनका लागि पाँच, म्यानचेस्टर युनाइटेडका लागि ११८, रियल मड्रिडका लागि ४५०, युभेन्टसका लागि ८५ तथा पोर्चुगलका लागि १०२ गोल गरेका छन् ।
