नेकपा एमालेले सञ्चालन गरेको पुष्पलाल मध्यपहाडी राजमार्ग केन्द्रित ‘समृद्धिका लागि संकल्प यात्रा’मा पार्टी अध्यक्ष केपी शर्मा ओलीसँगै रहनुभएका बरिष्ठ उपाध्यक्ष बिष्णु पौडेलले यात्राका क्रममा कैद गर्नुभएका लोभलाग्दा दृश्यहरु सामाजिक सञ्जालमा साझा गर्नुभएको छ ।
बाग्लुङ र पर्वतको कुश्माहुँदै गण्डकी प्रदेशको राजधानी पोखरा आउँदै गर्दा बरिष्ठ उपाध्यक्ष पौडेलले सवारी साधनको गति कम भएका बेला आफ्नो क्यामरामा कैद गरिएका लोभलाग्दा दृश्यहरु सामाजिक सञ्जालमा साझा गरेपछि एमालेको राजनैतिक मात्रै होइन सामाजिक र आर्थिक अभियानका एजेण्डाहरु पनि एकै साथ अभिलिखित गरिरहेको देखिएको छ ।
साँझ पोखरा आउँदै गर्दा नेता पौडेलले ति फोटोहरु खिच्नु भएको थियो ।
साँझमा खिचिएकाले माछापुच्छ«े हिमालको दृश्य सुनौलो रङ्गमा देखिएपछि त्यसले मध्यपहाडी लोकमार्ग अभियानमा सहभागी रहनुभएका नेता कार्यकर्ताहरुलाई थोरै समय भएपनि आनन्द दिलाएको प्रेस चौतारी नेपालका महासचिव हिरामान लामाले प्रतिक्रिया दिए । सम्बन्ध स्थानीय:सन्देश राष्ट्रियको नारा दिएर अगाडि बढेको यात्रा आज पोखररासम्म आइपुगेको छ । फोटोः उपाध्यक्ष पौडेल
