सत्तारुढ नेपाल कम्युनिष्ट पार्टी (नेकपा) को केन्द्रिय सदस्य उमा कोइरालाले प्रतिनिधि सभा विघटनगरी ताजा जनादेशमा जाने प्रधानमन्त्रीको कदम देश र जनताका लागि अनिवार्य भएको बताउँदै स्वागत गर्नुभएको छ ।
मुलुक अप्ठेरोमा जान लागेको अबस्थामा संविधान अनुसार लोकतान्त्रिक विधिबाट जनतासामु ताजा जनादेश लिन प्रधानमन्त्रि केपि शर्मा ओलीको चालेको कदमले नेपाली सार्वभौम सत्ता र स्वाधिनताको रक्षाका लागि भएको बताउनुभयो ।
आइतबार नेपाल कम्युनिस्ट पार्टी (नेकपा) कमलामाइ नगर संगठन कमिटी सिन्धुलीको भेला तथा बैठकलाई प्रमुख अतिथिका रुपमा सम्बोधनगर्दै कोइरालाले मुलुकको बिकास र समवृद्धिको पक्षमा रास्ट्रको स्वाधीनताको सवलमा डटेर काम गर्ने ओली नेतृत्वको सरकारलाई घेराबन्दी गरी पार्टी र मुलुकलाई तहसनसह पार्ने काम पार्टी नेतृत्वबाटै गरिएपछि प्रधानमन्त्रीले संसद विघटन गर्नु स्वाभाबिक रहेको बताउनुभयो ।
उहाँले प्रधानमन्त्रीलाई अबिस्वासको प्रस्ताव दर्ता गर्ने र सम्माननिय रास्ट्रपति विरुद्ध महाभियोग लगाउने , निजि स्वार्थ र कुर्सीको लागि माधबकुमार नेपाल र पुष्पकमल दाहालले गरेकोे निन्दनीय कार्यको डटेर विरोधगर्दे पार्टी विखण्डन र फुटको पक्षका लाग्नेहरुलाई चोटिलो जवाफ दिन पार्टी कार्यकर्ताहरुलाई अपील गर्नुभयो ।
यसैविच कमलामार्इ नगर क्षेत्र भित्रका नेता ,कार्यकर्ताहरुले बर्तमान परिस्थितिमा अध्यक्ष ओलीले नेतृत्व गरेको कम्युनिस्ट पार्टी (नेकपा) मुलुकको मुल प्रबाह भएको हुँदा बिकास, समृद्धि र मुलुकको स्वाधीनताको लागि नेपाल कम्युनिस्ट पार्टी (नेकपा) मा गोलबन्द हुनको लागी सबैमा अपिल गर्ने निर्णय गरिएको नगर इन्चार्ज महेन्द्रदेव श्रेष्ठले जानकारी दिनुभयो ।
साथै बैठकले समाज बिकास ,र रुपान्तरणको लागि कमलामार्इ नगरपालिकाका जनप्रतिनिधिलाई दृढतापुर्बक मुलुक र जनताको हितलाइ सर्बोपरी हितमाराखी काम गर्नको लागि निर्देशन गर्ने निर्णय समेत गरेको छ ।
