सिन्धुली जिल्लामा प्राविधिक शिक्षालयको आवश्यकता लाई महशुस गर्दै २०७१ सालमा स्थानिय निकाय (तत्कालिन जिल्ला विकास समिति र कमलामाई नगरपालिका), प्राविधिक शिक्षा तथा व्याबसायिक तालिम परिषद (सिटिइभिटि) र सिन्धुली सामुदायिक टेक्निकल इन्स्टिच्युट बिच त्रिपक्षिय सम्झौता भइ सिन्धुली सामुदायिक टेक्निकल इन्स्टिच्युटको स्थापना भएको हो ।
सिन्धुली सामुदायिक टेक्निकल इन्स्टिच्युट विशुद्ध गैर–नाफामुलक समुदाय स्तरमा सञ्चालित संस्था हो । सिन्धुली सामुदायिक टेक्निकल इन्स्टिच्युटले जिल्लामा गुणस्तरिय प्राविधिक शिक्षा प्रदान गर्न थालेको १० वर्ष बितेको छ ।
सिन्धुली जिल्लामा शिक्षासेवीका रुपमा चिनिएका देवकोटाको अगुवाईमा सञ्चालनमा आएको सामुदायिक टेक्निकल इन्स्टिच्युटले आफ्नो जिल्लामा मात्र नभई छिमेकी जिल्लामा पनि राम्रो प्रभाव पारिरहेको परिक्षाको नतिजाले देखाइरहेको छ ।
यस इन्स्टिच्युटको अध्यक्षमा काठमाडौं विश्व विद्यालयका पुर्व–उपकुलपति समेत रहेका प्रा. डा. सुरेशराज शर्मा रहेका छन् । शर्मा
लामो समय सिन्धुलीको शैक्षिक विकासमा योगदान गरेका देवकोटा भनछन्ः हामीले २०७१ सालमा सिन्धुली सामुदायिक टेक्निकल इन्स्टिच्युट स्थापना गरेर सिन्धुलीमा व्यवसायिक प्राविधिक शिक्षा दिन थालेपछि त्यसले सकारात्मक परिणामहरु देखिन थालेको छ ।
इन्स्टिच्युटमा ३ वर्षे डिप्लोमा तह पशु विज्ञान र सिभिल इन्जिनियरिङ अध्ययन पुरा गरेका विद्यार्थीहरु सिन्धुली लगायत अन्य जिल्लाको श्रम बजारमा बिकिरहेका छन् ।
उनीहरुले रोजगारी पाएका छन् साथै लोकसेवा लगायत अन्य राष्ट्रिय तथा अन्तराष्ट्रिय सघं सस्थाहरुमा पनि हाम्रा विद्यार्थिहरु अब्बल साबित भएका छन् ।
यसै गरि स्व–रोजगारको क्षेत्रमा पनि अगाडि बढि रहेका छन् । यस अर्थमा हामी बजारमा बिक्ने र टिक्ने क्षमता भएका सिपयुक्त सक्षम प्राविधिक जनशक्ति उत्पादन भएकोमा हर्षित पनि भएका छौं, देवकोटाले सन्देश जनप्रियसँग भने । साथै न्यून शुल्कमा गुणस्तरिय प्राविधिक शिक्षा प्रदान गर्नु नै हाम्रो उदेश्य रहेको छ ।
सिन्धुली सामुदायिक टेक्निकल इन्स्टिच्युटमा ३ वर्षे डिप्लोमा इन सिभिल इन्जिनियरिङ र ३ वर्षे एग्रिकल्चर एनिमल साइन्समा विगतमा भर्ना भएका विद्यार्थीहरुलेनैं राम्रो पठन पाठन हुन्छ, पढ्ने वातावण राम्रो छ, दक्ष विषयगत शिक्षकहरु छन् भन्ने गरेका छन् । त्योनैं हाम्रो सम्पति हो । हामी गुणस्तरिय शिक्षाका लागि कुनै पनि संझौता गर्दैनौं देवकोटाले भनेका थिए ।
पाठयक्रमले तोके बमोजिम सम्पुर्ण प्रयोगशालाहरु, वर्कशपहरु तथा आफ्नै कम्पाउण्ड हातामा भेटेरिनरि फारम पनि सञ्चालन गरेका छौं । हाम्रो भेटेरिनरि फारममा कुखुरा पालन, बङगुर पालन, गाई पालन तथा माछा पोखरी सञ्चालनमा छ देवकोटाले भनेकाछन् ।
हामि सैद्धान्तिक शिक्षा भन्दा पनि प्रयोगात्मक तथा व्यबहारिक कुशलसिप सिकाउनमा जोड दिन्छौ जसले गर्दा हाम्रा विद्यार्थिहरु सजिलै श्रम बजारमा बिक्न सक्षम भएका छन् देवकोटाले अगाडि भने ।
इन्स्टिच्युटको अर्को सबल पक्ष भनेको पढ्दै कमाउँदै कार्यक्रम पनि हो । जहाँ विद्यार्थीहरुले कुखुरा पालनबाट आएको नाफाको ७५ प्रतिशत रकम पाउँछन् । यो कार्यक्रमले कार्यक्रम आगामि शैक्षिक शत्रबाट बङगुरपालन तथा माछापालन साथै सिभिल इन्जिनियरिङ कार्यक्रममा पनि बिस्तार गर्ने लक्ष लिएको देवकोटाले बताए ।
यसै गरि सिन्धुली सामुदायिक टेक्निकल इन्स्टिच्युटमा २०७८ सालदेखी काठमाडौं युनिभर्सिटीको सहकार्यमा व्याच्लर इन टेक्निकल एजुकेशन (बि.टेक.एड) सिभिल इन्जिनियरिङ र आई. टि. का कक्षाहरु सञ्चालन भइरहेको छ । अहिले केयुको सम्बन्धनमा सञ्चालित कक्षाहरुमा विद्यार्थीको अभाव नरहेको प्राचार्य देवकोटाको भनाई थियो ।
पछिल्लो समय सिन्धुली जिल्लामा विद्यार्थीहरुलाई व्यवहारिक जिवन उपयोगी शिक्षा दिनुपर्छ भन्ने सबै विद्यालयका सञ्चालक र प्रधनाध्यापकमा चेतना अभिवृद्धि भएकोमा खुशी व्यक्तगर्दै उनले सिन्धुली जिल्लानैं प्राविधिक शिक्षाको हबका रुपमा विकास भएको बताए ।
पहिला टेक्निकल विषय पढ्न महंगो शुल्क तिरेर राजधानी काठमाडौ र अन्यत्र जानु पर्ने अबस्था थियो, लाखौं रुपैयाँ खर्च पनि हुन्थ्यो, तर अहिले घरकै भात खाएर ति विषयहरु पढ्न पाइने भएको त्यो सिन्धुली वासिका लागि गर्वको विषय हो, उनले भने ।
तर पछिल्लो समय विद्यार्थीकै अभाव हुनेगरी जथाभावी सम्बन्धन दिंदा गुणस्तरिय पठन पाठनमा समस्या सिर्जना हुने अबस्था देखिन थालेको उनको भनाई थियो ।
अहिले प्राविधिक विषय पठन पाठन गराउने होडवाजीनैं चल्न थालेको जस्तो देखिएको छ, त्यो राम्रो पक्ष हो, तर त्यो प्रतिस्पर्धा गुणस्तरिय शिक्षा प्रदान गर्नेमा हुनुपर्ने उनको सुझाव थियो । आजको सन्देश जनप्रिय साप्ताहिकले यो समाचार प्रकाशन गरेको छ ।
