सिन्हवाः चिनियाँ कम्युनिष्ट पार्टी (सीपीसी) को बैठकले सम्पत्ति बजारलाई स्थायित्व दिनुपर्नेमा जोड दिएको छ । बिहिवार बसेको बैठकले सम्पत्ति बजारमा विश्वास जगाएको छ, र यो नवीकरणको आशावादले आगामी दिनको अर्थतन्त्रमा वृद्धि हुने अपेक्षा गरिएको छ ।
केन्द्रीय समितिको राजनीतिक ब्यूरोले हालको आर्थिक अवस्थाको विश्लेषण र अध्ययन गर्न र आर्थिक कार्यका लागि थप व्यवस्था गर्न एक बैठक आयोजना गरेको समाचार एजेन्सी सिन्हवाले जनाएको छ ।
बैठकले घरजग्गा बजारलाई स्थायित्व दिनुपर्नेमा जोड दिएको छ । मुख्य बुँदाहरूमा व्यावसायिक आवास निर्माणको वृद्धिलाई कडाइका साथ नियन्त्रण गर्ने, अवस्थित आवास स्टकलाई अनुकूलन गर्ने, गुणस्तर सुधार गर्ने, सेतो सूचीका परियोजनाहरूको लागि ऋण सहयोग बढाउन र बाँझो जग्गालाई पुनरुत्थान गर्ने आवश्यकताहरू समावेश गरिएको बताइएको छ ।
रियल स्टेट विकासको नयाँ मोडल प्रवद्र्धन गर्न, जनताको सरोकारलाई सम्बोधन गर्न, आवास खरिद प्रतिबन्ध नीतिलाई समायोजन गर्ने, विद्यमान धितो कर्जाको ब्याजदर घटाउने र जग्गा, वित्तीय, कर र वित्तीय नीतिमा तत्काल सुधार गर्नुपर्ने विषय बैठकमा उठेको थियो ।
बैठकले लेनदेन र मूल्यमा सुधार भइरहेको चिनियाँ सम्पत्ति बजारलाई स्पष्ट संकेत र प्रोत्साहन प्रदान गरेको छ । चाइना आर एन्ड डी इन्स्टिच्युटका उपनिर्देशक यान युजिनले बिहीबार ग्लोबल टाइम्ससँग भनेका छन्ः हामी आशा गर्छौ कि केहि शहरहरूले निकट भविष्यमा खरिद प्रतिबन्धहरू हटाउन र अव्यबस्थित धितो दरहरू कम गर्न सक्रिय कदम चाल्नेछन् ।
दक्षिण चीनको ग्वाङडोङ प्रान्तको शेन्जेनमा रहेको सम्पत्ति एजेन्ट वाङ गुओक्सियाङले बिहीबार ग्लोबल टाइम्सलाई भने कि सम्पत्ति बजारलाई स्थिर राख्नमा सिपिसि बैठकले पर्याप्त विश्वास प्रदान गरेको छ । यसले सम्पत्ति बजारमा मन्दीको भावनालाई परिवर्तन गर्ने र सम्भावित शेयरहरुको खरिद गर्न इच्छुकता बढाउने सम्भावना छ ।
बैठकले मंगलबार घोषणा गरेको नीतिगत लाभांशको साथमा ( अव्यवस्थित घर धितो दरमा कटौती र दोस्रो घर खरीदको लागि डाउन पेमेन्टमा कटौती सहितले निर्णयले व्यवसायीहरुमा उत्साह थपिएको बताइन्छ ।
राष्ट्रिय बिदा नजिकिंदै गर्दा, घर हेर्ने समय तालिका बनाएका ग्राहकहरूको संख्या बढ्दै गएको छ । दैनिक अनलाइन सोधपुछ उल्लेखनीय रूपमा बढेको छ, वाङले भने ।
चीनले हालको घर कर्जामा धितो दरहरू हालै जारी गरिएको आवास ऋणको स्तरमा घटाउनेछ । अवस्थित गृह ऋणको लागि धितो दरमा औसत कटौती गर्ने लगभग निश्चित भएको छ ।
यस कदमले घरपरिवारका लागि कुल ब्याज खर्च औसतमा प्रति वर्ष लगभग १५० बिलियन युआन २१.३९ (बिलियन) घटाउने अपेक्षा गरिएको छ, जसले उपभोग र लगानी बढाउन सहयोग पुग्नेछ ।
पहिलो र दोस्रो घरको लागि न्यूनतम डाउन पेमेन्ट अनुपातलाई एकीकृत गरिनेछ, दोस्रो घरहरूको लागि राष्ट्रव्यापी न्यूनतम डाउन पेमेन्ट अनुपात २५ प्रतिशतबाट घटाएर १५ प्रतिशतमा झारिने बताइएको छ ।-ग्लोवल टाइम्सबाट
