ब्राउनसुगरसहित २० वर्षीय युवक पक्राउ

बाँकेकाे डुडुवाका २० वर्षीय वाजित सल्मानी १९ ग्राम दुई सय मिलिग्राम ब्राउनसुगरसहित पक्राउ परेका छन्।

लागु औषध नियन्त्रण ब्यूरोको टोलीले सल्मानीलाई नेपालगञ्ज उपमहानगरपालिका वडा नम्बर १३, उदयपुरबाट पक्राउ गरेको हो ।

बाटोमा हिँडिरहेका सल्मानीलाई शनिबार साँझ शंका लागेर जाँच गर्दा उनले लगाएको जिन्स पाइन्टको बायाँ गोजीमा ब्राउनसुगर बरामद भएको प्रहरीले बताएको छ।

ब्यूरोले सल्मानीलाई आवश्यक कारबाहीका लागि जिल्ला प्रहरी कार्यालय, नेपालगञ्ज पठाएको छ।