राजनिति कुटनिती फुटनिति जुटनीति छलनीति बलनिती हेपाहा ठेलाहा पेलाहा चेपाहा फकाहा तानाह फालाहा गुण्डागर्दि गध्दारी फटाहा चोटाहा कुटाहा पिटाहा लिच्चड किच्चक घुस्याहा घिच्चक धुर्ताहा लुटेरा छेपारा चेपारा हत्यारा ज्यानमारा अपहरण लुकाउने किनबेच त्यस्तै अरू थुप्रै थरी उपाएहरू सामदाम दण्डभेदका नाममा राजनिती आफ्नो अनुकुल ब्याख्या गर्न आवश्यकता अनुसार प्रयोग गरिआएका कुराहुन। यध्देपि राजनिती राज्यको मूलनिति हो सफा हुनुपर्ने र सबैले पालना गर्नुपर्ने हो ।
भगवान श्री रामले पनि बैरीको भेदीको रूपमा बिभिषणको साथ नपाएको भए रावणलाई हराउन सम्भव नै थिएन। लंकाका साधन स्रोत सेना शक्ती अनी रणनितीका बारेमा भेद खोल्नेकाम बिभिषणले गरे। राम लाई आफ्नो युध्दनिति बनाउन सहज भयो र बॉदर सेना लिएरैपनि रावण जस्तो शत्रु पराजित गर्न सफल भए।।अर्कोतिर सुग्रिवलाई फूलको माला लगाई परवाट वाली र सुग्रीव चिन्न सक्ने बनाएर छलिएर वाण प्रयोग गरी वालीलाई मारेर सुग्रीवलाई राजा बनाए।
त्यस्तैगरी हाल नेकपा घरकै भेदी रातारात पार्टि फुटाउन र जुटाउन पछार्न लछार्न लागी परेका छन।घरका भेदी नभएको भए दुई तिहाईलाई कस्ले के नै गर्नसक्थे र। कि त जनसागर उल्टिनु पर्यो। नभए अरूले सक्ने कुरा त के लडिसकेको पछि थाहा पाउने थिए होलान।यस्तैलाई मुसाराजनिती भनिन्छ। कस्तो चलाख मुसानिती रातारात अर्काको तारकट्ने अनि अर्काले तार काट्यो भन्दिने अनी फेरी उल्टै उसैको तार काटिदिने। वाह वाह मुसानिती। तिमि कति लोकप्रिय जुनसुकै ब्यवस्थामा आएपनि सबैले अवलम्वन गर्ने।
हुन त मुसा राजनितीको इतिहास लामो छ।मुसा राजनिती ब्याप्त परिचित र सफलखेती हो किनकि यि माथी भनिएका सबै जम्बोटोलीका नितीहरूलाई सानो बनौटको मुसानितीले प्रतिनिधित्व गर्छ। दाग लागेकालाई पनि सफा पारीदिन्छ। अनि फोहोरलाईपनि शुध्द बनाइदिन्छ।
थाहा छ राजनितीलाई फोहोरी खेल किन भनिएको हो रु कुनैसमय नेकपाका तत्कालिन महासचिव मदन भण्डारीले प्रजातन्त्र स्थापना पछि स्थापना भएर तेश्रोशक्ती बनेको पार्टि राप्रपा लाई ट्वाइलेट नाम दिएका थिए। तिनै भण्डारी जिवित भएका भए अहिले नेकपालाई के उपनाम दिन्थे होलान् । त्यस बेला नेपाली कॉग्रेसको भारी बहुमत थियो। नेपाली कॉग्रेसले द्दण्छज्ञ सम्ममा यस्तैयस्तै कारणले थेग्न नसकि मध्यावधि निर्वाचनमा देशको राजनितीलाई लग्यो । त्यसमा जनताले कसैलाई पनि बहुमत दिएनन मलिजुली जानुपर्ने बाध्यता भयो। अनि कॉग्रेस र नेकपा एमाले दुवै पहिलो र दोश्रो शक्तीका पार्टि दुवैले पालैपालो राप्रपा उर्फ ट्वाइलेटले आफ्नो शिर देखि नै नुहाएर राप्रपालाई चोखो बनाएका थिए। यि नै फोहोर अर्थात ट्वाइलेटले नुहाएकाहरूले फेरी पनि राजनितीमा खेली गरिरहेका हुनाले राजनितीलाई फोहोरी खेल भनियो। अव चाहि राजनितीले के नाम पाउने होला ? – गंगा बराल
