प्रतिनिनिधसभा विघटन बदर गरी आफूलाई प्रधानमन्त्री नियुक्त गर्न माग गर्दै कांग्रेस सभापति शेरबहादुर देउवासहित १४६ जना विघटित प्रतिनिधिसभा सदस्यहरुले दायर गरेको रिटमाथिको फैसला असार २८ गते आउने भएको छ । प्रधानन्यायाधीश चोलेन्द्र शमशेर जवरा नेतृत्वको संबैधानिक इजलाशले रिटमाथिको बहश सकिएलगत्तै आज असार २८ गते फैसला आउने जानकारी दिएको हो ।
संवैधानिक इजलासमा एमिकस क्युरीले राय दिएसँगै आजबाट सुनुवाइ सकिएको छ । एमिकश क्यूरीको राय सकिएपछि इजलासले यो मुद्दाको फैसला असार २८ गते आउने जानकारी दिएको हो । प्रधानमन्त्री नियुक्ति प्रकरण र प्रतिनिधिसभा बिघटनबिरुद्ध परेको रिटमाथि असार ९ देखि बहश शुरु भएको थियो । सो बहस आज सकिएको छ ।
