प्रधानमन्त्री एवं नेपाल कम्युनिष्ट पार्टी (नेकपा)का अध्यक्ष केपी शर्मा ओली र नेकपाका अर्का अध्यक्ष पुष्पकमल दाहाल प्रचण्डबीच आइतबार सचिवालय बैठक बोलाउने समझदारी भएको छ।
शुक्रबार साँझ प्रधानमन्त्री निवास बालुवाटारमा दुई अध्यक्षबीच भएको छलफलमा उक्त समझदारी भएको स्रोतले बतायो। तर सचिवालय सदस्यहरुलाई भने बैठकबारे अहिलेसम्म औपचारिक जानकारी गरासकिएको छैन।
एमसीसी सम्झौता हालकै अवस्थामा पारित गर्न प्रधानमन्त्री ओलीले जोड गरिरहेका छन्। तर सचिवालयका बहुमत सदस्य त्यसको विपक्षमा उभिएपछि ओली नेताहरुबीच समझदारी जुटाउन लागिपरेका छन्।
त्यसैक्रममा ओलीले दाहाललाई छलफलका लागि बालुवाटार बोलाएका हुन्।
