पालमा कोरोना भाइरस संक्रमितको संख्या २ हजार ९ सय १२ पुगेको छ भने एकै दिन (शुक्रबार) २७८ जानमा कोरोना संक्रमित थपिएका छन्। यस्तै कोरोना भाइरसकै कारण नेपालमा ११ जनाले ज्यान गुमाइसकेका छन् भने ३ सय ३३ जना कोरोना संक्रमणमुक्त भएका छन् जसमा शुक्रबार मात्रै ४३ जना कोरोनालाई जितेर घर फर्किएका छन्।
शुक्रबार स्वास्थ्य तथा जनसंख्या मन्त्रालयले सार्वजनिक गरेको विवरण अनुसार सुनसरीका २१, झापाका ३१, मोरङका ६, अर्घाखाँचीका १, नवलपरासीका २, पाल्पाका १, रुपन्देहीका १८, सिन्धुलीका २, बाराका ३, तनहुँका २, भोजपुरका ५, कैलालीका ४, अछामका १,बझाङका १, डढेलधुराका ५, रामेछापका १८, काभ्रेका ५, दैलेखका ९०, गोर्खाका १, सुर्खेतका १,दाङका १, धनुषाका ४, गुल्मीका १, कपिलवस्तुका ४४,कास्कीका १, महोत्तरीका १७ र रौतहटका ६ जना संक्रमित थपिएका हुन्।
शुक्रबार संक्रमित भएकामध्ये २६७ जना पुरुष र ११ जना महिला छन्। यस्तै संक्रमित जिल्ला पनि ६८ पुगेको छ। गोर्खा, कास्की र हुम्लामा पहिलो पटक संक्रमण पुष्टि भएको हो।
यसका साथै प्रदेश- १ मा हालसम्म २ सय ४२ जना कोरोना संक्रमित छन् भने ७६ जना निको भएर घर फर्किएका छन्।
यस्तै प्रदेश-२मा ९ सय ९३ जना कोरोना संक्रमित छन् भने १ सय २१ जना निको भएका छन्। एकजनाले ज्यान गुमाएको छ।
त्यसैगरी बागमती प्रदेशमा ८५ जना कोरोना संक्रमित, ३२ जना संक्रमणमुक्त छन् भने तीनजनाले ज्यान गुमाएका छन्।
त्यसैगरी गण्डकी प्रदेशमा ५७ जना कोरोना संक्रमित पुगेको छ भने ३ जना संक्रमणमुक्त भएका छन्।
यस्तै प्रदेश- ५मा कोरोना संक्रमतिको संख्या ९ सय ६५ पुगेको छ भने चारजनाको मृत्यु भएको छ। यस्तै ९२ जना कोरोना संक्रमणमुक्त भएका छन्।
यस्तै कर्णाली प्रदेशमा ४ सय ७९ जना कोरोना संक्रमित भएका छन् भने दुईजनाको मृत्यु भएको छ। साथै २ जना कोरोना भाइरसलाई जितेर घर फर्किएका छन्।
त्यस्तै सुदूर पश्चिम प्रदेशमा ९१ कोरोना संक्रमितको संख्या ९१ पुगेको छ भने एकजनाले कोरोनाबाट ज्याकोन गुमाएको छ। साथै ७ जना कोरोनाबाट मुक्त भएर घर फर्किएका छन्।
महोत्तरी जलेश्वरमा १७ जना संक्रमित भेटिएका छन् । रौतहटको गुजरा क्वारेन्टिनमा रहेका ६ जनामा पनि संक्रमण पुष्टि भएको छ । धनुषा देवपुराका ४ जनाको रिपोर्ट पनि पोजेटिभ आएको छ । उनीहरू २० र २१ वर्षका छन् । बारा बारागढी गाउँपालिकाका २६ र २७ वर्षीय पुरुष र विश्रामपुरका २० वर्षीय पुरुषमा कोरोना संक्रमण पुष्टि भएको मन्त्रालयले जनाएको छ ।
तनहुँ रिसिङका ३९ र ४० वर्षका दुई पुरुषमा पनि कोरोना संक्रमण पुष्टि भएको छ । डडेलधुरा गन्यापधुराका ५ जना, कैलालीको धनगढीका ४ जना, अछाम साँफेबगरका २९ वर्षीय र बझाङ देउलेखका २६ वर्षीय पुरुषमा पनि संक्रमण पुष्टि भएको छ ।
