कमलामाई नगरपालिकाले लामो समयदेखी सिन्धुलीका व्यापार व्यवसाय बन्द रहँदा ठूलो आर्थिक नोक्सानी व्यहोरेको निश्कर्ष निकाल्दै नेपाल सरकारले खोल्न दिने भनि तोकेका व्यवसायहरु सञ्चालन गर्न दिने भएको छ ।
नगरपालिका स्रोतका अनुसार जुत्ता,कपडा, स्टेशनरी कम्प्युटरलगायतका व्यवसाय दैनिक २ घण्टा खोल्न दिने पक्षमा नगरपालिका रहेको छ । पसल भित्रका सामानहरु जोगाउनैं मुस्किल भएको, घरभाडा तिर्नु पर्ने र बैंकको व्याजले व्यापारीहरु ठूलो मारमा परेको निश्कर्ष निकाल्दै नगरपालिकाले केही दिनपछि बस्ने सर्वदलीय बैठकमा उक्त प्रस्ताव लैजाने तयारी गरेको बुझिएको छ । स्मरणीय छ, नेपाल उद्योग व्यापार महासंघका नेताहरुले थोरै समय भएपनि खोल्न मिल्ने पसलहरु खुलाउन पटक पटक आग्रह गरिसकेको छ ।
