विदेशबाट भागेर आफ्नो देशको आलोचना गर्ने रूसीहरूले उनीहरूको बाँकी सम्पत्ति जफत गर्नुपर्छ, निर्वासित युद्ध विरोधी रूसीहरूमा दबाब बढाउने स्पष्ट प्रयासमा सांसदहरूले शुक्रबार प्रस्ताव गरेको सरकारी सञ्चारमाध्यमले जनाएको छ ।
तल्लो सदन राज्य डुमाका सभामुख व्याचेस्लाभ भोलोडिनले भनेः देश छोडेर गएका मानिसहरुलाईझै पश्चिमाहरुको समर्थन गर्नेहरुलाई त्यहाँका बासिन्दा, सैनिक र अधिकारीहरूको अपमान गरेको अभियोग लगाउँदै आपराधिक मुद्दा चलाउन सकिने बताएकाछन् ।
हाम्रो देश र जनतालाई आलोचनागर्दै विरोधीहरुको पक्षमा उभिएका बदमाशहरू आरामसँग बाँच्छन्। विदेशमा हुँदा, तिनीहरूले घर जग्गा भाडामा लिन्छन् र रूसी नागरिकहरूको खर्चमा रोयल्टी प्राप्त गर्न जारी राख्छन्, भोलोडिनले टेलिग्राम सन्देशमा लेखेकाछन् ।
एकै समयमा, तिनीहरूले आफूलाई सार्वजनिक रूपमा रूसमा फोहोर खन्याउन र हाम्रा सैनिक र अधिकारीहरूलाई अपमान गर्न अनुमति दिन्छन् । रूसी कानून अनुसार, त्यस्ता कथनहरूलाई अतिवाद, नाजीवादको पुनस्र्थापना वा सशस्त्र सेनालाई बदनाम गर्ने कलको रूपमा हेर्न सकिन्छ, उनले भनेकाछन् ।
भोलोडिनले भने कि रसियाको फौजदारी संहितालाई सम्पत्ति जफत गर्ने खण्डको साथ संशोधन गर्दा यी अपराधहरूमा दोषी पाइएका निर्वासित युद्ध विरोधी रूसीहरूलाई सही सजाय हुनेछ । उनको विचारलाई माथिल्लो सदन फेडरेशन काउन्सिलको संवैधानिक समितिका अध्यक्ष आन्द्रेई क्लिसासबाट समर्थन प्राप्त भइसकेको मस्को टाइम्सले लेखेको छ ।
यो दृष्टिकोण सम्भव छ, तर त्यहाँ फौजदारी अपराध र फौजदारी संहितामा संशोधन हुन आवश्यक छ, उनले राज्य सञ्चालित समाचार एजेन्सी तासलाई भने । यो तुरुन्तै स्पष्ट भएन कि भोलोडिनले आप्रवासी रूसीहरूको सम्पत्ति जफत गर्ने प्रस्तावलाई राज्य डुमामा विचार गर्नेछ, जुन अर्को हप्ता काममा फर्कन्छ ।
क्रेमलिनले विदेश गएका रूसीहरूको सम्पत्ति जफत गरेर कुनै पनि पान्डोराको बाकस खोल्ने विरुद्ध चेतावनी दियो ।
क्रेमलिनका प्रवक्ता दिमित्री पेस्कोभले पत्रकारहरूलाई भने, हामीले रुस छोडेर गएका र रुसका शत्रु नभएकाहरू फर्किन चाहन्छन् भन्ने कुरा सुनिश्चित गर्नुपर्छ ।
गत फेब्रुअरीमा मस्कोले युक्रेनमा आक्रमण गरेदेखि लाखौं रुसीहरू विदेश पलायन भएका छन्, जसमा युद्ध विरोधी कार्यहरूको लागि फौजदारी अभियोगको सामना गर्नेहरू पनि छन् । यस हप्ताको सुरुमा, रूसी सांसद येभगेनी पोपोभले विदेशबाट भागेका असहमति रूसीहरूको राहदानी रद्द गर्ने प्रस्ताव गरेका थिए । जुन पारित भइसकेको छ । नेपाली अनुवादः उज्वल न्यौपाने
