नेपालमा पछिल्लो २४ घण्टामा थप २२ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ११ हजार ९५१ जनाले ज्यान गुमाएका छन्।
शुक्रबार ७५ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर १ हजार २२ जना सक्रिय संक्रमित छन्।
गत २४ घण्टामा २ हजार ५१६ पीसीआर तथा १ हजार ३१९ एन्टिजेन परीक्षण भएको छ।
