सिन्धुली जिल्ला सदरमुकाममा ठूलो परिमाणमा भारतबाट हरियो साग सव्जी लगायतका तरकारी भित्रिएको छ ।
गएराती महोत्तरी जिल्ला प्रशासन कार्यालयको सवारी पासमा सिन्धुली जिल्लामा ठूलो परिमाणमा तरकारी ल्याइएको सूचनाका आधारमा खोजी गर्दा फेला पारिएको कमलामाई नगरप्रमुख खड्गवहादुर खत्रीले प्रदेशखवरलाई जानकारी दिनुभयो ।
व्यापारीहरुबाट उठाएको सबै भारतीय तरकारीहरु नगरपालिकाले ल्याडफिल्ड साइटमा लगेर नष्ट गरेको छ । स्मरणीय छ, स्थानीय प्रशासन र नगरपालिकाले जिल्लामा बाहिरी जिल्लाबाट कुनै पनि खाद्य सामाग्री ल्याउन रोक लगाएको थियो ।
समाचार स्रोतका अनुसार धनुषा र सिन्धुलीका वोर्डरमा रहेको चुरेमा रहेको प्रहरीको चेक पोष्टमा रामेछाप जिल्लामा लैजाने भन्दै शनिवार साँझ १ गाडी तरकारी भीमान र माइस्थान क्षेत्रमा ल्याएर बिक्री गरेको थाहा पाएपछि हिजो रातीनैं सो गाडीलाई जिल्ला प्रहरी कार्यालयले नियन्त्रणमा लिएको थाहा लागेको छ ।
त्यसैगरी चुरे चेकपोष्टमा आइतवार बिहान ४ बजे रामेछापमै लैजाने भनेर अर्को गाडी सिन्धुुली जिल्ला प्रवेश गरेको थियो । सो गाडीले त्याएको तरकारी रामेछाप नलगी सिन्धुलीमै रहेका तरकारी व्यवसायीलाई चेचिएको सुचना नगरप्रमुख खत्रीले थाहा पाएका थिए ।
सिन्धुली रातमाटा निवासी तरकारी व्यवसायी दिपक थापाले तरकारी बजार, ढुग्रेवास, रातमाटा लगायतका क्षेत्रमा विहान ५ बजेनै तरकारी खसालेर सो तरकारीको पैसा व्यवासयीबाट लिएको बताइएको छ । कृषि उपजवारमा तरकारी बिक्रीको काम गर्दै आएका व्यवसायीका अनुसार तीन जनाले मात्रै बजारमा थापाबाट भारतीय तरकारी झारेका थिए । थापाबाट झारेको तरकारीको पैसा थापाईनैं दिइसकेको र नगरपालिकाले सो तरकारीहरु उठाइदिएपछि आफुहरु घाटामा परेका छन् । भारतीय तरकारीनैं हो भन्ने थाहा पाएको भए हामीहरुले राख्ने थिएनौं । सँधै उसैले हामीलाई तरकारी ल्याउँथ्यो, यसपटक पनि बिहान ५ बजेनैं कति तरकारी चाहिन्छ भनेर फोन गरेपछि खसाल्दिनु भनेका थियौं, एक व्यवसायीले भने । तर यस पटक थापाले हामीलाई मात्रै होइन, सिन्धुलीका जनतालाई धोखा दिए ।
