अमेरिकी मिलेनियम च्यालेन्ज कर्पोरेशन (एमसीसी) को विरोधमा युवा–विद्यार्थीले काठमाडौँमा प्रदर्शन गरेका छन् ।
शनिबार बिहानै युवा–विद्यार्थीहरुले एमसीसीको विरोधमा काठमाडौँमा प्लेकार्डसहित साइकल र्याली गरेका हुन् । माइतीघर–जमल–बालुवाटार साइलक र्याली गरेका युवा विद्यार्थीले ‘एमसीसी अस्वीकार गरौँ’ भन्ने नारा लेखिएको प्लेकार्ड बोकेका थिए ।
प्रहरीले प्रदर्शनकारीलाई जमल क्षेत्रबाट नियन्त्रणमा लिएको छ । करिब १५ जना प्रदर्शनकारी पक्राउ परेका छन् । प्रदर्शनकारीले ‘रिजेक्ट एमसीसी, एमसीसी क्यान्सर हो’ जस्ता नारा लगाएका थिए ।
