वैदेशिक रोजगारीका लागि कुवेत पुगेका नेपालीमा कोरोना भाइरस संक्रमण देखिने क्रम बढिरहेको छ । पछिल्लो तथ्यांक अनुसार रोजगारीका लागि कुवेत पुगेका ५१ जना नेपाली संक्रमित भएका छन् ।
कुवेती स्वास्थ्य मन्त्रालयका अनुसार मंगलबार एकैदिन ६ जना नेपालीमा कोरोना संक्रमण देखिएको थियो । विगत सात दिनमा २० नेपालीमा संक्रमण देखिएको छ ।
कुवेतमा संक्रमितलाई त्यहाँका नागरिक सरहको उपचार व्यवस्था रहेको नेपाली दूतावासले जनाएको छ ।
खाडी मुलुकमध्ये बहराइनमा नेपाली कोरोनाका कारण बढी प्रभावित भएका छन् । त्यहाँ १३६ जनामा कोरोना देखिएको छ । त्यसपछि बढी प्रभावित मुलुक कुवेत हो ।
