आज शिवरात्री पर्व पशुपतिनाथ मन्दिरसँगै देशभरका शिवालयमा धुमधामसँग मनाइँदै छ। पशुपतिनाथ मन्दिरमा बिहानैदेखि भक्तजनको घुइचो लागेको छ। कयौं भक्तजन तथा साधुसन्त गएरातिदेखि नै जाग्राम बसेका छन्।
आज बिहान ३ बजेदेखि पशुपतिनाथ मन्दिरका चारै ढोका खोलिएका छन्। यसवर्ष १० लाख भक्तजनले पशुपतिनाथको दर्शन गर्ने जनाइएको छ।
त्यसैगरी आज सिन्धुलीको कालिखोला स्थित महादेव मन्दिर र सिद्धबाबा मन्दिरमा बिहान ४ बजेदेखीनैं भक्तजनहरुको घुईचो लागेको छ । प्रदेश सहकर्मीहरुले टिपाएको समाचार अनुसार यो समाचार तयार पर्दासम्म निकै ठूलो लाइन रहेको छ ।
