कोरोना संक्रमण रोकथामका लागि क्वारेन्टाइनमा रहेका केहीमा औलो संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाकाअनुसार क्वारेन्टाइनमा रहेकाहरुको परीक्षण गर्दा केहीमा रिपोर्ट पोजेटिभ आएको हो ।
यद्यपि उनले कहाँको क्वारेन्टाइनमा रहेका कति जनामा औलो संक्रमण देखियो भन्ने खुलाएका छैनन् ।
त्यसैले क्वारेन्टाइनहरुको गुणस्तर वृद्धि गर्नुपर्ने देखिएको मन्त्रालयका प्रवक्ता डा. देवकोटाले बताए ।
विश्व स्वास्थ्य संगठनले कम विकशित मुलुकमा कोरोना संक्रमणसँगै औलो रोग फैलन सक्ने भन्दै सचेत गराएको थियो । समाचार स्रोतका अनुसार विश्व स्वास्थ्य संगठनले तोकेको मापदण्ड अनुसारका क्वारेन्टाइन बनाउन सरकारले धेरै पहिलादेखी जोड दिएको थियो, तर त्यसलाई नेपालका स्थानीय निकायले खासै चासो देखाएका छैनन् ।
औलो लामखुट्टाको टोकाइबाट हुन्छ । विश्वमा औलोका कारण प्रत्येक दुई मिनेटमा एक जना बच्चाको ज्यान जान्छ । र, गर्मीयाममा यसको प्रकोप देखिने गरेको छ ।
