सुनकोसी गाउँपालिका वडा नम्वर ५ टारिगाउँमा आगलागी हुँदा दुई घर जलेर नस्ट भएको छ । वडा अध्यक्ष सन्तोश दाहालका अनुसार गाउँमा लागेको आगो स्थानीय प्रहरी ,स्थानिय बासिहरुको सहभागिता निभाउने प्रयास गरिएपनि अझै नियन्त्रणमा आउन सकेको छैन ।
आइताबार ४ बजेको समयमा जङ्गलमा लगाएको डढेलो गाउँमा सल्किए पछि टारिगाउँका ४० घर जोखिममा परेका छन् । हाल उक्त गाउँको धनबहादुर विक र जमुना विकको घर र १ गोठ जलेर नष्ट भइसकेको स्थानीय चिरन्जिवी दाहालले बताउनु भयो । उहाँका अनुसार आगो अझै नियन्त्रण हुन सकेको छैन । आगो नियन्त्रण गर्न सुनकोसी गाउँपालिकाका जनप्रतिनिधि,स्थानीय प्रहरी लगायत स्थानीय जुटिरहेको दाहालले बताउनु भयो । आगो नियन्त्रणको लागि कमलामाई नगरपालिका र काभ्रेबाट दमकल बोलाइएको छ ।
फोटोहरुः चिरञ्जीवी दाहाल, प्रदेशखबर डटकम
