सत्तारुढ नेपाल कम्युनिष्ट पार्टी (नेकपा) बाग्मती प्रदेश कमिटी सदस्य एवम् सिन्धुलीका नेता धुर्व देवकोटाले पुष्पकमल दाहाल प्रचण्डबाट अब नेपाली कम्युनिष्ट आन्दोलनको नेतृत्व हुन नसक्ने बताएका छन् ।
नेकपा कमलामाई नगरकमिटी वडा नं. ६ द्धारा आयोजित बिस्तारित बैठक एवम् भेलालाई सम्वोधनगर्दै नेता देवकोटाले सो कुरा बताएका हुन् । पार्टी एकताको कार्यदेश बिपरित बहुमतका नाममा आफ्नै पार्टीका अध्यक्षले नेतृत्व गरेको सरकारलाई असफल पार्ने र धेराबन्दी गरेर आम जनतालाई निराश बनाउने काम गरेको बताउँदै जनयुद्धको नेतृत्व गरेका दोस्रा अध्यक्ष प्रचण्डबाट नेपाली कम्युनिष्ट आन्दोलनको नेतृत्व हुन नसक्ने ठोकुवा गरेका हुन् ।
आफ्नै पार्टीको सरकारलाई असफल पार्ने र पार्टी बिभाजनका लागि योजना बनाएर मुलुकलाई अस्थिरताको बाटोमा लैजाने प्रचण्ड, माधव नेपाल र झलनाथ खनालको कार्यलाई कदापी स्वीकार्न सकिन्न, नेता देवकोटाले अगाडि भन्नुभयो ।
पार्टी र चुनाव चिन्ह दावीगर्दै सडकमा गरिएको आन्दोलन वारे टिप्पणीगर्दै देवकोटाले भने–जो व्यक्ति घर छोडेर हिँडेका छन् उनीहरुले सडकमा गएर मेरै हो भनी दावी गर्नु साँस्यास्पदछ । ‘दुईबाट एक कहिल्यै हुन सक्तैन, तर एकबाट दुई हुनसक्छ ।’ त्यसैले घरभित्रै रहेका केपी ओलीले नेकपालाई अनुशासित,चुस्त र दुरुस्त ढंगले पार्टी सञ्चाल गर्न सक्छन् तर दुई अध्यक्ष भएका प्रचण्ड र माधवले पार्टी सञ्चालन गर्न सक्तैनन् ।
विगतमा पनि प्रचण्डबाट नेपाली जनताले धोखा पाएको प्रसंग उल्लेखगर्दै जनयुद्धका सपनाहरु सबै समाप्त पारिएको दावी गरे ।
कार्यक्रमलाई नेकपाकी केन्द्रीय सदस्य उमा कोइराला, जिल्ला सदस्य नवरा थिङ, कमलामाई नगरकमिटी अध्यक्ष महेन्द्र श्रेष्ठ, सचिव कृष्णहरी घिमिरे लगायतले सम्वोधन गरेका थिए । नेकपा ६ नम्वर अध्यक्ष घनश्याम देवकोटाको अध्यक्षतामा भएको कार्यक्रमको सञ्चालन केदार देवकोटाले गरेका थिए ।
बलवीर भुजेलबाट
