सत्तारुढ नेपाल कम्युनिष्ट पार्टी (नेकपा)को विभाजनले जिल्ला जिल्लामासमेत बिभाजनको रेखा कोरिदिएको छ । कम्युनिष्टहरुको उद्गम स्थलका रुपमा चिनिएको सिन्धुलीमा पुस १२ गते केपी ओली नेतृत्वको नेकपाले ९ वटै स्थानीय तहमा कार्यक्रमको आयोजना गरेको छ । नेकपा नगरकमिटी कमलामाई नगरपालिकाका इन्चार्ज महेन्द्रदेव श्रेष्ठले जिल्ला पार्टी कार्यालयमा विहान १० बजे भेलाको आयोजनागर्दै सामाजिक सञ्जाल मार्फत सुचना जारी गरे ।
त्यसैगरी शुक्रवार राती करिव ९ बजे नेकपा सिन्धुलीका अध्यक्ष राजन दाहालले आइतवार बिहान ११ बजे जिल्ला स्तरिय भेला पार्टी कार्यालयमा राखिएकाले सबैलाई उपस्थित हुन सामाजिक सञ्जाल मार्फत एक सुचनाजारी गरे । दाहाल नेपाल समूहका सिन्धुलीका नेता दाहाल र ओली पक्षीय नेता कटुवालले अलग अलग सुचनाजारी गर्दै एकै स्थानमा कार्यक्रम राखेपछि दुबै पक्षबीच झडपको आशंका गरिएको छ ।
कवोेही दिन अगाडि नेकपाका केन्द्रीय सदस्य एवम् पूर्व मन्त्री महेश बस्नेत उपस्थित भएका बेला ओली पक्षीय युवा विद्यार्थीले पार्टी कार्यालयमा राखिएको साइन वोर्ड फालेर कब्जामा लिएको घोषणा गरेका थिए । उनीहरुले पार्टी कार्यालयको जग्गा र बनाउने काम तत्कालिन ओली नेतृत्वको नेकपा एमालेले बनाएकाले आफुहरुको पूर्व अधिकार रहेको बताउँदै युवा विद्यार्थीहरुले तालासमेत लगाएका थिए ।
एक घण्टा अघिपछि गरेर दुवै समूहले एकै स्थानमा कार्यक्रमको आयोजना गरेपछि सिन्धुली बजारमा आइतवार झडप हुने त्रास बढेको सदरमुकाम बासीले बताउन थालेका छन् ।
