कमलामाई नगरपालिका ३ सदरमुकामका वडाको तुलनामा ग्रामिण वडानै हो । साविकको जलकन्या गाविसलाई नगरपालिकामा गाभेपछि जलकन्याबासी कमलामाई नगरपालिकाबासी भएका छन् । विपी राजमार्गबाट झन्डै २० किलोमिटर राजमार्गको यात्रा र बाकी सिन्धुलीगढी हुदै पाँच किलोमिटरको यात्रा तय गरेपछि कमलामाई नगरपालिका ३ मा पुग्न सकिन्छ । कमलामाई नगरपालिका ३ नम्बर वडा विशेष गरि तरकारी खेतीमा नाम कमाएकै वडाभित्र पर्छ । यस वडामा तरकारीबाटै आत्मानिर्भर हुने किसान प्रसस्तै छन् ।
चालु आर्थिक बर्षको अन्त्य हुनै लाग्दा विकास निर्माणले यो बर्ष बिट मानै लागेको छ । हाम्रो वडामा चालु आर्थिक बर्ष ०७६।०७७ मा एक करोड बजेट गएको थियो । जसमध्ये २८÷३० ओटा योजनामा हामीले बजेट विनियोजन गरेका थियो । ति मध्ये धेरै योजनाको काम सम्पन्न भएर भुक्तानी समेत भइसकेको छ । हामीले हाम्रो वडामा विशेष प्राथमिकताका साथ सिचाई र सडकको विकास गरेका छौ । यो सँगै कृषि क्षेत्रलाई बढी फोकस गरेका थियौ । जेठ १५ भन्दा उता चेक नकाट्ने भनेर निर्णय भएको थियो । यसले गर्दा हाम्रो नियमित बजेटचाहि चाडै सक्नुपर्छ भनेर हामी लागि परेका थियौ । तर मुलुक लकडाउन भएका कारण साविक जलकन्या हाल कमलामाई नगरपालिका वडा नं. ३ को झन्डै सात लाख बजेट फ्रिज हुनेवाला छ ।
स्कुलमा चट्याङमुक्त गर्न अर्थिङ राख्न बजेट विनियोजन गरेका थियौ । उक्त बजेटचाहि हामीले कोटेशनमार्फत काम गर्ने भनेका थियौ ।किनकी त्यो अनुभव हामीमा थिएन तर त्यो बजेटले यो बर्ष काम गर्न सकेनौ । त्यस्तै साविक ९ नम्बरमा १ लाखको एउटा बाटो थियौ त्यो विवादको कारणले निर्माण हुन सकेन त्यो फ्रिज हुनेवाला छ । बाकी योजनाहरु सबै भुक्तानीको चरणमा छ । जनप्रतिनिधिले सबै दलको भावना बुझेर काम गर्नुपर्ने हुन्छ, समथर भुभाग र पहाडी क्षेत्रमा पक्कैपनि विकास निर्माणमा फरक पर्छ समथरको तुलनामा खुद्रे योजना तर धेरै योजना पहाडी क्षेत्रमा चाहिन्छ जस्तै समथर क्षेत्रमा एउटा कुलोले धेरै खेत सिचाई गर्न सकिन्छ तर पहाडमा त्यस्तो हुदैन यसअर्थ खुद्रे योजना बढेकै हो । हाम्रो भिरालो जमिन भएकाले सिचाई कुलो मात्रै झन्डै दुई सय जति छ । टोलैपिच्छे साना साना बाटो लगायतका योजनामा काम गर्नुपर्ने साथै जनताको मर्म भावनालाई बुझेर अगाडी बढ्नुपर्ने हुँदा खुद्रे योजना बढेको देखिन्छ । लकडाउनको प्रभाव देशैभरी परेको छ । तर हामी ग्रामिण क्षेत्र भएकाले सहरको तुलनामा कमै प्रभाव परेको थियो । हामीले पहिलो चरणमा ४८ र दोस्रो चरणमा ३ सय १७ घरपरिवारलाई राहत वितरण गरेका छौ ।
सर्वदलिय सर्वपक्षिय भेलाले गरेको निर्णयलाई मान्यता दिएर राहत वितरण गरेका हौ ।
सिन्धुलीको मात्रै होइन देशकै पहिचान बोकेको सिन्धुलीगढी ऐतिहासिक क्षेत्र कमलामाई नगरपालिका ३ मा अवस्थित छ । यो पर्यटकिय क्षेत्रले समग्र जलकन्याको विकासमा ठुलो टेवा पु¥याएको छ। नयाँ आर्थिक बर्षमा समेत हामी कृषिमा विशेष जोड दिन्छौ । हामी त्यसैमा प्राथमिकतामा राखनेर नयाँ बजेट विनियोजन गर्ने मनसायमा छौ । तर अधिकांश स्थानियको माग सडक खानेपानी र सिचाईमा देखिन्छ । हामी विषादी रहित तरकारी खेतीमा विशेष जोड दिंदैछौं। कृषिमा आत्मानिर्भर बन्नेतर्फ हामी उन्मुख छौ । नगरपालिकाले त्याएको नीति तथा कार्यक्रममा शिक्षा, पर्यटन पुर्वधार लगायतका क्षेत्र सबल पक्षका रुपमा मैले पाएको छु । म निर्वाचित भएको तीन बर्ष भइसकेको छ । हामी निर्वाचित भएपछि वडा नं. ३ का ९५ प्रतिशतको घरमा मोटरसाइकल पुग्ने व्यवस्था मिलाइसकेका छौ, सोलाभन्ज्याङ तारुफेदी कार्कीटोल, हुदै मावि चोक रिङरोडको अवधारणा अगाडी बढेको छ । सोलाभन्ज्याङ देखि मझुवासम्मको सडक कालोपत्रे गर्ने काम धमाधम हुदैछ त्यो हाम्रै पालामा हुदैछ । तारुफेदी देखि खुर्कोटसम्म मोटरबाटो टेण्डर लागेर निर्माण हुने चरणमा छ । हाम्रो कार्यकालमा पुर्वधार तयार पारेका छौ । यसलाई पुर्णता दिन्छौ मैले मतदातामाझ गरेका बचन बद्धता पुरा गर्दै जानेछु । अन्त्यमा कोरोना भाइरसको महामारी फैलिरहेको समयमा सबै सचेत र सतर्क भएर सुरक्षित बसिदिनु हुन अनुरोध गर्दछु । (साभारः कमलामाई फिचर सेवाका लागि अनिल भण्डारीले गरेको कुराकानीमा आधारित)
