अस्पतालमा उपचारको क्रममा गर्भवती महिलाको मृृत्यु भएपछि पिडित पक्षले अस्पतालमा गरेको आन्दोलनले सिन्धुली अस्पताल तनाबग्रस्त बनेको छ । उनीहरुले डाक्टरको लापरबाहीका कारणले गर्भवती महिलाले ज्यान गुमाउनु परेको भन्दै हिजो साँझबाट थालेको आन्दोलन हिंस्रक बन्दै केही बेर अगाडिबाट ढुंगा हानाहान भइरहेको छ । अस्पताल प्रशासनले इमरजेन्सी सेवा अनिश्चितकालका लागि बन्द गरेको छ ।
सिन्धुलीको कमलामाई नगरपालिका ५ को गंगा गुरूङ श्रेष्ठको मृत्यु भएपछि सिन्धुली अस्पतालमा तोडफोड भएको हो भने डाक्टर र चिकित्सकहरुलाई स्थानीय प्रशासनले संरक्षण गरेर राखेको छ । डाक्टरले गलत ओेैषधि पर्योग गर्दा गर्भवती महिलाको मृत्यु भएको आफन्तजनले दाबी गरेका छन् ।
