कमलामाई नगरपािलकाका प्रमुख खड्गवहादुर खत्रीले आज करकरेका किसानहरुलाई उन्नतजातको भुईकटहरको बिरुवा हस्तान्तरण गर्नुभएको छ ।
कमलामाई नगरपालिका वडा नं. ८ करकरेमा आयोजित एक कार्यक्रमका बीच नगरप्रमुख खत्रीले कमला भुईकटहर पकेट क्षेत्र समितिका सदस्यहरुलाई उन्नतजातको ४ हजार बिरुवा हस्तान्तरण गर्नुभएको हो । भुईकटहर पकेट क्षेत्रको कृषक समूहका सदस्यहरु चन्द्रवहादुर श्रेष्ठलाई १ हजार, कृष्णवहादुर मगरलाई १ हजार, गायत्री श्रेष्ठलाई ५ सय, धनमायाँ बुढाथोकीलाई ५ सय, बटुमायाँ श्रेष्ठलाई ५ सय र चन्द्रवहादुर श्रेष्ठलाई ५ सयगरी ४ हजार विरुवा नगरप्रमुख खत्रीले हस्तान्तरण गर्नुभएको थियो ।
विरुवा वितरण गर्नु अगाडि संक्षिप्त मन्तव्य राख्दै उहाँले करकरे क्षेत्रलाई कमलामाई नगरपालिकाले भुईकटहरको पकेट क्षेत्रका रुपमा घोषणा गरेको बताउँदै किसानहरुको सम्बृद्धिका लागि आफुले जस्तोसुकै सहयोग गर्न तयार रहेको बताउनुभयो । व्यवसायिक कृषि उत्पादन बिना सम्वृद्धि संभव नभएको बताउँदै विगत वर्षहरुदेखी यसक्षेत्रका किसानहरुलाई भुईकटहर लगाउन आफुले अभिप्रेरित गरिरहेको यस क्षेत्रमा कमलामाई नगरपालिकाले प्राविधिक तथा आर्थिक सहयोग उपलव्ध गराईरहेको उल्लेख गर्नुभयो । उहाँले उपस्थित किसानहरुलाई भन्नुभयो, ‘ भुईकटहर खेतीका लागि तपाईहरुलाई के कस्ता सहयोग आवश्यक छ, कृषि प्राविधिकको शिफारिश सहित आउनुस् म सहयोग गर्न तयार छु ।’
कार्यक्रममा कमलामाई नगरपालिका कृषि शाखाका देवी सापकोटा, सरोज फुयाँललगायतको उपस्थिति थियो ।
