नेपाल कम्युनिष्ट पार्टी (एमाले) सिन्धुली जिल्ला संगठन कमिटीले जिल्लाको ९ वटै पालिकाका वडाहरुको वडा अधिवेशनको सम्पूर्ण तयारी पुरा भएको जनाएको छ ।
एमालेका उप सचिव महेन्द्र श्रेष्ठका अनुसार पार्टीको प्रदेश कमिटीका अध्यक्ष आनन्द पोखरेलले पठाएको आन्तरिक सर्कुलर अनुसार भोली सिन्धुलीका दुई नगरपालिकासहित ७९ वडामा शनिवार एकै साथ वडा अधिवेशन उद्घाटन हुँदैछ । देशैभरका वडा अधिवेशनको एमाले अध्यक्ष केपी शर्मा ओलीले अर्चुअल माध्यमबाट उद्घाट गर्ने कार्यक्रम रहेको छ ।
मरिण गाउँपालिकाको वडा अधिवेशनमा सिन्धुली जिल्लाका सिनियर नेताहरु सहभागी हुनुहुने भएको छ । वडा नं. २ मा संविधानसभा सदस्य एवम् एमाले वाग्मती प्रदेश कमिटी सदस्य निरु दर्लामी र रामकुमार उप्रेती, वडा नं. ३ मा वाग्मती प्रदेश कमिटी सदस्य गोविन्दलाल माझी, वडा नं. ४ मा वाग्मती प्रदेस सदस्य एवम् जिल्ला सचिव शान्तिमान कार्की, वडा नं. ५ मा वाग्मती प्रदेस सदस्य गणेश बुढाथोकी र केशव देवकोटा वडा नं. ६ मा हरिकुमार स्याङ्तान र वडा नं. ७ मा निरु दर्लामी जानुहुने बताइएको छ । नेता गोविन्दलाल माझीका अनुसार वडा नं. १ को वडा अधिवेशन भने केही दिनपछि गरिने छ ।
त्यसैगरी कमलामाई नगरपालिकाको नगरपालिकाको वडा नं. १ को वडा अधिवेशनमा सोही वडाका जिल्ला कमिटी सदस्यलाई जिम्मेवारी दिइएको छ । वडा नं. २ को वडा अधिवेशनमा एमाले सिन्धुलीका सचिवालय सदस्य नवराज थिङ, वडा नं. ३ को वडा अधिवेशनमा जिल्ला कमिटी सदस्य एवम् सोही वडाका वडाध्यक्ष खड्ग चौलागाई, वडा नं. ४ मा पार्टीका केन्द्रीय सल्लाहकार सदस्य शंकरनाथ शर्मा र जिल्ला सदस्य विनोद श्रेष्ठ वडा नं. ५ मा एमालेकी केन्द्रीय सदस्य उमादेवी कोइराला, जिल्ला कमिटी सदस्य हरि अधिकारी, वडा नं. ६ मा यो समाचार तयार पार्दासम्म जिल्लाकमिटी सदस्यहरु गोकर्ण थापा, केशर नेपालीलगायत नेताहरु सहभागी रहने नेता धनश्याम देवकोटाले जानकारी दिनुभयो ।
त्यसैगरी वडा नं. ७ मा भने सिन्धुली जिल्लाकै सबैभन्दा धेरै एमालेका प्रदेश कमिटीका नेताहरुको सहभागिता रहने छ । वडा अधिवेशनमा वाग्मती प्रदेशसभा सदस्य बिनोद खड्का, प्रदेश कमिटी सदस्य एवम् कमलामाई नगरपालिकाका प्रमुख खड्गवहादुर खत्री, एमाले उप सचिव महेन्द्रदेव श्रेष्ठ, प्रदेशकमिटी सदस्य एवम् सचिवालय सदस्य कर्ण घिसिङ, मेनुका तिमल्सिना र जिल्ला कमिटी सदस्य गंगा कार्की लगायत आधा दर्जन जिल्ला कमिटीका नेताहरुको सहभागिता रहने छ । यता नेता खड्का भने नगरपालिकाको सदरमुकामा रहेका वडाहरु ४, ५ र ६ वडामा हुने अधिवेशनमा समेत सहभागी हुने प्रदेशखवरलाई जानकारी दिनुभयो ।
त्यसैगरी वडा नं. ८ मा जिल्ला कमिटी सदस्य बुद्धि श्रेष्ठ, वडा नं. ९ मा ललित श्रेष्ठ, वडा नं. ९ मा प्रदेश कमिटी सदस्य एवम् कमलामाई नगरउपप्रमुख मञ्जु देवकोटा, वडा नं. १० मा कैलाश ढुंगेल वडा नं. १३ मा शुक्र बिक र वडा नं. १४ मा रमेश देवकोटा सहभागि हुने थाहा लागेको छ ।
त्यसैगरी दुधौली नगरपालिकामा एमालेका केन्द्रीय सदस्य एवम् सिन्धुली जिल्ला इन्चार्ज विषमलाल अधिकारी दनुवार, वाग्मती प्रदेश कमिटी सदस्य डम्वर कार्की, लक्ष्णमण कार्की, धनश्याम राउत र जिल्ला कमिटी सदस्यहरु सबैले कार्यविभाजन गरेर आ आफ्नै वडामा विषेश अतिथिका रुपमा सहभागिता जनाउने कार्यक्रम तय भएको बताइएको छ ।
त्यसैगरी तीनपाटन गाउँपालिकाको वडा नं. १ मा एमाले सचिवालय सदस्य एवम् पालिका अध्यक्ष छत्र दाहाल, वडा नं. २ मा हेमवहादुर श्रेष्ठ र मञ्जु दाहाल वडा नं. ३ मा गाउँपालिका उपाध्यक्ष पदममायाँ तामाङ सहभागिता हुनुहुनेछ । त्यसैगरी अन्य वडामा वडामैं रहेका जिल्ला कमिटी सदस्यहरु अतिथीका रुपमा सहभागि बन्नुहुने थाहा लागेको छ ।
त्यसैगरी सुनकोशी गाउँपालिकामा वडा नं. १ र २ मा वाग्मती प्रदेशकमिटी सदस्यहरु कौशल कोइराला, उद्धव कोइराला, वडा नं. ३ मा कमल दाहाल, वडा नं. ४ मा बद्री दाहाल, वडा नं. ५ मा रामकृष्ण श्रेष्ठ, वडा नं. ६ मा पालिका पार्टी सचिव लोकवहादुर थापा र वडा नं. ७ मा वाग्मती प्रदेश कमिटी सदस्य एवम् पालिका कमिटी अध्यक्ष अशोक गिरीले आतिथ्यता गर्नुहुने प्रदेश सहकर्मी धनजंग थापाले जानकारी दिए ।
त्यस्तै फिक्कल गाउँपालिकाको वडा नं. १ मा वाग्मती प्रदेश कमिटी सदस्यहरु पार्वती सुनुवार, वडा नं. २ मा खड्ग रजन धिरज, वडा नं. ३ मा जिल्ला कमिटी सदस्य टेकवहादुर रजन, वडा नं. ४ मा बमवहादुर पिठाकोटे, वडा नं. ५ मा वाग्मती प्रदेशसभा सदस्य एवम् पालिका अध्यक्ष धनवहादुर कार्कीले आतिथ्यता गर्ने कार्यक्रम रहेको थाहा लागेको छ ।
त्यसैगरी हरिहरपुरगढी गाउँपालिकाको वडा अधिवेशनहरुमा पार्टीका केन्द्रीय सदस्य कमलजगराईको निगरानी एवम् अनुगमनमा सम्पन्न हुने कार्यक्रम तय भएको पालिका कमिटी अध्यक्ष मानवहादुर वाइवाले जानकारी दिनुभयो । उहाँका अनुसार वडा अधिवेशनमा क्रमश जिल्ला कमिटी सदस्यहरु सहभागी रहने छन् । जस अनुसार वडा नं. १ मा चमारसिंह घलान, वडा नं. २ मा विजय राई , वडा नं. ३ मा सत्यमान मोक्तान, वडा नं. ४ मा मानवहादुर वाइवा र वडा नं. ५ मा दिपक माझीले आतिथ्यता गर्ने कार्यक्रम छ भने वाँकी रहेका ६, ७ र ८ वडाको वडा अधिवेशन भने कार्तिक १० गते गर्ने तयारी गरिएको छ ।
त्यसैगरी गोलन्जोर गाउँपालिका र ध्याङलेख गाउँपालिकाका वडाहरुमा सोही वडामा रहेका जिल्ला कमिटी सदस्यहरुले आतिथ्यता गर्नेगरी परिपत्र गरिसकिएको उप सचिव श्रेष्ठले उल्लेख गर्नुभयो ।
यसैबीच शनिवार बिहान एमाले सिन्धुली जिल्ला कमिटीको बैठक ६ बजे बस्दैछ । बैठकले पालिका तहमा भएका वडा अधिवेशन र प्रतिनिधी छनोट वारे ठोस निर्णय गर्नेछ ।
